Tulkaa tekki meile viehraiksi!
Pyshäyttäkkää veikkostahenki piili meän kohale. Meilä ei tartte ujostella, saapi porista ja nauraa. Oohaan se jopeloa jos lomareisu on oikein kuivakiskonen. Mehän praataama sillä oikealla meänkielelä, soon niinko kotosempaa. Met kirnuama teile voita, sehän on rieskan päälä maailman parasta. Klasimasiinilla pyykin peso ja villojen karttaus, onkhaan se teile tuttua, saatta pruuvata vieläkö osaatta.
Meilähän saapi ternijuustoa syä, jokku sanova sitä vasikantanssi. Muutenki met tarjoama vahanaikhaiset ruat, nehään on makeampiaki ko nykyset.
Saatta nähhä minkäsorttista se joppaus oli. Ja tullimiehet on tietekki meän esityksissä, tuossahan se Ruotti on juuri silmäin alla.
Semmonen soon Tornionlaakso ja meän ohjelmapalvelu.
Kannattaa pirhauttaa telefoonila etukätheen,
met olema sillon vastassa teitä!